منتدي كامل الأوصاف

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي ahmed



 
....الرئيسيةس .و .جالتسجيلدخولدخول الاعضاء

شاطر | 
 

 حقائق الاشاعات التى طالت وائل غنيم بعد ثوره 25 يناير

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
مرايه النفس
۝ مشرفه القسم الاسلامى والصحه ۝
۝ مشرفه القسم الاسلامى والصحه ۝
avatar

الوسام :
عدد المساهمات : 10364
عدد نقاط : 42713
تاريخ التسجيل : 31/10/2009
المزاج : متفائلة

مُساهمةموضوع: حقائق الاشاعات التى طالت وائل غنيم بعد ثوره 25 يناير    الجمعة فبراير 25, 2011 7:44 am

حقائق الاشاعات التى طالت وائل غنيم بعد ثوره 25 يناير

بصوا يا جماعة
التوبيك مش دفاع عنه بقدر ما هو اظهار للحقائق مش اكتر

التوبيك منقووووووووول


دا رد الادمن الثانى لجروب وائل غنيم لبعض الاتهامات التى وجهت له الفترة الاخيرة

اولا: الصوره رقم واحد




الصورة اللي انتشرت ويقال فيها ان اللوجو اللي على التيشرت بتاع وائل هو اللوجو الخاص بالماسونية

احب اقولك يا نبيه ياقوي الملاحظة ان اللوجو اللي على التيشرت ده لوجو براند عالمي وده اللينك بتاعه

[ندعوك للتسجيل في المنتدى أو التعريف بنفسك لمعاينة هذا الرابط]


ودي الصفحه بتاعته على الفيس

[ندعوك للتسجيل في المنتدى أو التعريف بنفسك لمعاينة هذا الرابط]

أصل ده براند عالمي وللأسف مش موجود منه في مصر وبما ان اغلب القطيع قروى فميعرفش اكيد



وكمان احب اقولك يابتاع الاجنده ان اللوجو اللي على المبنى ده مش لوجو الماسونيه

وده هو لوجو الماسونيه



وتقدر تعمل سيرش على النت وعلى جوجل او اي محرك بحث

واكتب "masonic"

وشوف اللوجو بتاعها

وممكن تقرأ عنها وكل تفاصيلها في ويكيبيديا

واظن ان اغلب الناس عارفه الموسوعه وده اللينك بتاعها

[ندعوك للتسجيل في المنتدى أو التعريف بنفسك لمعاينة هذا الرابط]



اما بالنسبه للوجو اللي على المبنى ده



ده اللوجو بتاع قناة

MTV

في كندا

اللي هو مقر القناة موجود في المعبد الماسوني

اقرا اللوجو كويس هتلاقي مكتوب عليه

MTV


ده غير ان اصلا الصورتين يوجد بينهم تشابه وليس تطابق يا قطيع الاجندات



يعني الصورتين ليس لهم علاقة ببعض

وكمان الشعار اصلا مش شعار الماسونيه


من غير اي اثبات اصلا اي جاهل كان ممكن يشغل مخه

هيقول طيب ليه وائل يفضح نفسه لو هو ماسوني



ثانيا: الصوره رقم 2





الحظاظة


اقرأ ياحبيبي وركز

في عام 1994 تم عمل مؤتمر لدعم مرضي السرطان وتم عمل هذه الحظاظات كنوع من التبرع وكان لونها اصفر ومنذ هذا التاريخ صارت كل مجموعة تدعم نشاط اجتماعي معين لها لون خاص فمثلا الاخضر لداعمي البيئة الأزرق لداعمي مرضي سرطان الدم والبنفسجي لداعمي مرضي التوحد(التخلف العقلي)والاسود لمكافحة العنصرية حتي الشواذ لهم حظاظة بالوان قوس قزح وهكذا وهكذا وثمن هذه الحظاظة كان ربع دولار وهي مصنوعة من المطاط ومنتشرة جدا علي مستوي العالم .


برده ارجع اقول اي عيل فاكس كان قال ان نص الشعب لابس حظاظه ومحدش قالهم انتوا عملا




ثالثا: ترجمة جوجل الخاطئة



ياجدعان افهموا بقى

ترجمة جوجل قايمه على الاقتراحات

بمعنى ان اي حد ممكن يقترح الترجمه اللي هو عايزها



والدليل على كده انا عايز اي حد يكتب كلمة "moz"

في جوجل ويترجمها ويشوف الترجمه هتطلع ايه



او اكتب اي كلمه من الكلمات بتاعت اسرائيل دي بس اكتب إسرائيل بهمزه الالف "إسرائيل"هتلاقي ان الترجمه هتطلع صح



رابعا: الفيديو اللي بيحتفل بيه وائل مع خالد النبوي



ده واحد مصري عادي جداا, من حقه يفرح ويرقص ويتنطط زي كل الناس اللي نزلت رقصت وفرقعت صواريخ وعملت بيب بييب بالعربيات

ومحدش والنبي يقولي شماته

دي فرحه رجوع الحق لأصحابة

فرحة ظهور العدل

اكيد مفيش حد هيفرح لما مبارك يموت ولا يمرض ولا يتشنق

الناس بس عايزه الحرية وفلوسها ترجعلها

ومش عايزين منه حاجه تانيه وربنا يشفيه ويهديه



وياجماعه انا معرفش وائل غنيم


كل ما يهمنى ان الثوره لا تشوه من قبل بعض الجهلاء المنساقين وراء الاشاعات دون تكلفه انفسهم التحقيق من صحتها


يقول الله تعالى
"{يَا أَيُّهَا الَّذِينَ آمَنُوا إِن جَاءكُمْ فَاسِقٌ بِنَبَأٍ فَتَبَيَّنُوا أَن تُصِيبُوا قَوْماً بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ } الحجرات6



وهو قال قبل كده

ولا هو بطل

ولا هو متحدث بأسم الشعب

ويوجد كثير من الشباب الاكثر منه لباقه في الحديث والاكثر منه معرفة بالسياسة


فكرة انه خاين او عميل فده حوار مستهلك جدا و كل اللي قاعدين يدوروا على التي شيرت بتاعه و الحظاظة و جوجل و غيره فده كلام ناس فاضية و مش معقول يعني الناس العبقرية اللي بتكتشف الاكتشافات الفظيعة دي ان عبقريتها و قدرتها على الملاحظة تخطت جهاز المخابرات و الجيش و كل الناس و كفاية كل واحد يحاول يعمل فيها المفتش كرومبو



ياريت بس كله الناس تكون عرفت سبب عدم رد وائل على الاتهامات







<div style="text-align: center;">[ندعوك للتسجيل في المنتدى أو التعريف بنفسك لمعاينة هذا الرابط]<br></div>
الرجوع الى أعلى الصفحة اذهب الى الأسفل
MaRoo
۝ Director-General ۝
۝ Director-General  ۝
avatar

الوسام :
عدد المساهمات : 11531
عدد نقاط : 259910
تاريخ الميلاد : 07/03/1988
تاريخ التسجيل : 30/10/2009
العمر : 29
المزاج : عــــادي

مُساهمةموضوع: رد: حقائق الاشاعات التى طالت وائل غنيم بعد ثوره 25 يناير    الجمعة فبراير 25, 2011 8:21 am

كلام جميل ومقنع

اهم حاجه نتوحد علي التقدم والامان للبلد

تسلمي اثور علي المتابعه






[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
quiet girl
۝مراقبه الموقع ۝
۝مراقبه الموقع ۝
avatar

الوسام :
عدد المساهمات : 10075
عدد نقاط : 259322
تاريخ التسجيل : 30/10/2009
الموقع : http://kamel-elawsaf.forums2u.com
المزاج : رَبّ إِنِّي لِمَا أَنْزَلْت إِلَيَّ مِنْ خَيْر فَقِير

مُساهمةموضوع: رد: حقائق الاشاعات التى طالت وائل غنيم بعد ثوره 25 يناير    السبت فبراير 26, 2011 8:26 am

تسلمي اثور لتوضيح الحقائق

واثباتها

الثورة من اول مابدات والاشاعات كترت جدا

ومحدش عارف مين همة ع مصلحة البلد بجد

وكل واحد بيحاول يبرأ نفسة من اي اتهامات

ووائل غنيم انا شايفة انه شاب مصري وااكيد لية الحق انه يعبر عن حبة لمصر

بطريقتة.. ولية تاثير كبير ع الشباب واكيد حب الناس ليه مش جاي من فراغ

كفايا اشاعات مش اي حد يعبر عن حبة لمصر يبقي وراه اجندات او عميل

مصر اكبر من كل دا












[ندعوك للتسجيل في المنتدى أو التعريف بنفسك لمعاينة هذا الرابط]




[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
 
حقائق الاشاعات التى طالت وائل غنيم بعد ثوره 25 يناير
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي كامل الأوصاف :: المنتدى العام-
انتقل الى: